வேண்டும்

பாடல்கள் எண்ணிக்கை: 5

தாக்கம் : திருவாசகம், சண்முக கவசம்

தமிழ் இலக்கணம் வெண்பா மற்றும்  எதுகை மோனை சொற்கள்


1. இறவா நிலை வேண்டும் இறந்தால் மீண்டும் நான்

பிறவா நிலை வேண்டும் - முருகா! உமை  நான்

மறவா நிலை வேண்டும் மறந்தால் நீ எமை என்றும்

மறவா நிலை வேண்டும் - முருகா!


2. அனுகா நிலை வேண்டும் அனுகினால் தீமை எமை

அனுகா நிலை வேண்டும் - முருகா! உமை  நான்

விலகா நிலை வேண்டும் விலகினால் நீ எமை என்றும்

விலகா நிலை வேண்டும் - முருகா!


3. அஞ்சா நிலை வேண்டும் அஞ்சினால் உமையன்றி வேறெவர்க்கும்

அஞ்சா நிலை வேண்டும் – முருகா!

வேண்டா நிலை வேண்டும் வேண்டினால் உமையன்றி வேறெவையும்

வேண்டா நிலை வேண்டும் - முருகா!


4. வேற்றுமை நீங்க வேண்டும் நீங்கி உமைப்போல்

ஒற்றுமை ஓங்க வேண்டும் -முருகா!

புகழ் ஓங்க வேண்டும் நினது புகழ்போல் தரணியில் எனது

புகழ் ஓங்க வேண்டும் -முருகா!


5. துயர் நீக்க வேண்டும் தன் துயர்போல் பிறர்

துயர் நீக்க வேண்டும் -முருகா!

எமை காக்க வேண்டும் இமைப்பொழுதும் விலகாமல் நீ

எமை காக்க வேண்டும் -முருகா!


என்றும் அன்புடன்
கலைக்குமார் சிவதாஸ்